...

www.123.is/tinns

Allir að kíkja!

Mikið rosalega er ég búin að vera löt að blogga undanfarna mánuði... Fólk hlýtur að fara að hætta að kíkja á síðuna mína.

Ég hef ákveðið að hvíla þessa síðu hérna á central.is því að á köflum er það bara happa glappa hvort ég kemst inn eða ekki og svo eru færslur oft að hverfa þegar ég ýti á staðfesta. Ég er búin að fá mér áskrift að 123.is og ætla að gefa því séns næsta árið að minnsta kosti. Það er líka skemmtilegra því það er hægt að hafa albúm þar og birta myndir í færslunum Ég er ekki búin að gera nýju síðuna alveg tilbúna, en næsta blogg kemur að minnsta kosti þangað inn og svo dytta ég bara að þessu smám saman

Endilega kíkið á www.123.is/tinns

Kær kveðja, Tinna

Við systur skelltum okkur í hjólaferð í góða veðrinu eftir vinnu í gær. Ómar og Manda skutluðu okkur með hjólið hennar Sunnu yfir á Fásk þar sem ég gróf minn gula fák og hjálminn upp og svo var ekkert annað að gera en að halda af stað norður fyrir! Það gekk bara ljómandi vel hjá okkur, stoppuðum 3x til að teygja aðeins úr okkur; við Hólagerðisafleggjarann, stæðinu Dalamegin og svo á útsýnispallinum norðan megin Mér fannst dáldið spes að hjóla í göngunum, loftið þykknaði eitthvað svo hratt að ég hélt að ég myndi kafna þegar ég kæmi inn í miðju, en það slapp til Ótrúlega gaman að hjóla seinni hlutann af göngunum því hann liggur aðeins niður á við þannig að það spænt í gegn! Það leið einn og hálfur tími frá því að við lögðum af stað heiman frá múttu þar til við komum í hús heima hjá Sunshine, mér finnst það nú bara nokkuð góður árangur! Ég skal alveg viðurkenna að sitjandinn hefur ekki verið upp á sitt besta og herðarnar pínu stífar (enda mín ekki með fínt frúarhjól) en það eru ekki til harðsperrur í mínum kroppi eftir þetta!

Ég mæli með því að prófa þetta ef menn hafa áhuga, en það er nauðsynlegt að vera VEL búinn, í endurskinsvesti, glitaugu og blikkljós að framan og aftan!

Stafgöngudagurinn var í dag, hann var haldinn af ÍSÍ og Beinvernd og var boðið upp á stafgöngukynningu á mörgum stöðum á landinu. Ég byrjaði daginn kl.11 á Fáskrúðsfirði þar sem 10 galvaskar konur og karlar mættu og prófuðu. Síðan var það Reyðarfjörður kl.14 þar sem tæplega 20 manns mættu. Ég var reyndar ekki með þetta á Reyðarfirði, það var önnur sem sá um þetta þar en ég var til aðstoðar. Þetta fer að sjálfsögðu upp í tímana sem ég þarf að safna mér til að fá leiðbeinandaréttindin þegar seinni hluti námskeiðsins veðrur í nóvember.

Familían er komin heim frá Mallorca, vel heppnuð ferð þar -gott að fá þau heim!

Siggi er búinn á ALCOA námskeiðinu og er nú byrjaður á vöktum, er á næturvöktum núna um helgina þannig að mín er bara ein í kotinu að horfa á Spaugstofuna sem mér finnst vera orðin dáldið skrýtin þegar Randver er ekki með og allt í einu fullt af aukaleikurum! Asnalegt...

Góða helgi,

Tinna

Ég veit ekki hvað er í gangi með þetta blogg en það hefur ekki viljað birta nýja færslu hjá mér í tæpa viku!!! Ætla að reyna einu sinni enn og læt færslu laugardagsins flakka með en ég hafði vit á því að seifa hana   

Já ég er svona pirruð núna, var búin að skrifa þessa fínu bloggfærslu og ýtti á staðfesta og þá ákvað hún bara að hverfa! Arrrrrrrrrrrrrrrg......................En hvað um það, maður verður þá bara að gera hana aftur! Það var amk kominn tími á blogg hjá mér, það er ekki spurning um það! Frítíminn minn hefur farið í allt annað en að blogga, tók reyndar stóran bloggrúnt um daginn og kíkti á ýmsar síður sem ég hef ekki séð lengi Sýnist bloggið almennt vera að lifna við aftur eftir sumardvalann! Ég var að koma af leiðbeinendanámskeiði í stafgöngu sem var haldið á vegum ÍSÍ hérna á Reyðarfirði, það var rosalega gaman og ýmislegt sem menn þurfa að huga að áður en farið er af stað með stafina! Vonandi get ég fljótlega boðið upp á kynningarfund og 5 vikna stafgöngunámskeið í kjölfarið -einhver sem hefur áhuga??? Annars er vinnan að komast í ágætis horf og er alltaf að mótast betur og betur Við Siggi skelltum okkur í bíó í gær að sjá Bourne Ultimatum, mér fannst hún nú einum of rugluð fyrir minn smekk. Mér fannst B.Identity og B.Supremacy góðar... Kannski var ég bara ekki í Bourne stuði í gær, spurning...Jæja, ég hef þetta ekki lengra í bili -ætla að kópera áður en ég staðfesti svo að þessi færsla fari ekki fjandans til eins og hin Stafgöngukveðja, Tinna.

Ég er ekki beint búin að vera virk á blogginu en það stendur örugglega til bóta... Það gerist alltaf svona þegar líður á sumarið Hérna eru úrslit í síðustu skoðanakönnun sem var orðin eldævagömul

Kemst Eiríkur rauði upp úr forkeppninni í Eurovision???
Já, auðvitað!
52%
Ég er ekki viss...
7%
Mér finnst það ólíklegt...
21%
Nei, ekki sjens!
21%

Eins og allir vita þá komst Eiki ekki áfram í keppninni, austur og vestur blokkin og allt þetta, nennum nú ekki að ræða það núna... EN ÞAÐ ER KOMIN NÝ KÖNNUN

Ég var klukkuð af henni Jóhönnu Hauks og þá þýðir að sjálfsögðu ekkert annað en að taka þeirri áskorun Mér skilst að þá eigi maður að kasta fram 8 staðreyndum um sjálfan sig!

1. Ég dýrka Stefán Hilmarsson og hef gert frá því að ég var ca. 6 ára!
2. Ég hef ekkert verið í fótboltanum í sumar -sakna þess talsvert og þá sérstaklega félagsskaparins
3. Ég hef eiginlega alltaf verið með stutt hár fyrir utan ca.3-4 ár þegar ég var "-tán"
4. Ég er loksins búin í skóla (þangað til næst) og er orðin iðjuþjálfi með B.Sc.!
5. Ég elska sumar og sól
6. Ég hef farið í kafbát (sem kafaði út á sjó)
7. Ég var að leysa af sem sölumaður hjá Vífilfelli í sumar -síðasti dagurinn á morgun!
8. Ég er orðin voða þreytt og ætla að drífa mig í að bursta tennur og skríða uppí

Spurning hverjir fá klukkið frá mér... hmmmmm....... Ég ætla að klukka: STÍNU DALLASMÆR, SIGGA MINN, SIGRÚNU EVU, GUFFU, RAKEL SIF, ÓLU MAJU, LENU HULD OG HÖRPU HRÖNN

Bið að heilsa ykkur öllum og njótið þess að vera til elskurnar,

Tinna í Tungu

Já nú er franska vikan byrjuð, þetta er eiginlega heil vika því að ég býst við því að flestir bæjarbúar í franska bænum Fáskrúðsfirði noti vikuna til að hressa uppá umhverfið sitt, skreyta og skemmta sér Ég er farin að hlakka dáldið mikið til enda eru þessir dagar ekki nema einu sinni á ári -maður er eins og barn að bíða eftir jólunum!

Allabaddarí fransí biskví,

Tinna

Ég átti afmæli í fyrradag, ég átti afmæli í fyrradag, ég átti afmæli hún ééég, ÉG átti afmæli þá! Klappi klappi klapp.... Mig langar líka að geta þess að Júlli afi heitinn hefði átt afmæli í dag!

Það er allt að gerast þessa dagana. Það er búið að vera mikið að gera í vinnunni og gaman líka, enda hittir maður helling af fólki á hverjum degi og oft fólk sem ég er ekki búin að sjá ógeðslega lengi Ég er búin að vera tvær vikur með Árnýju sem ég er að leysa af en nú er ballið byrjað og ég verð að bjarga mér amk út þennan mánuð -þetta hlýtur allt að reddast Það var brunað suður á ættarmót í Árnesi sem er rétt hjá Flúðum, það var ágætt, gaman að hitta fólk sem maður sér sjaldan og svona. Þetta var semsagt í föðurættinni, niðjar Þórlinds Jóhannssonar og Guðlaugar Sigríðar Magnúsdóttur, gaman að segja frá því! Við fengum íbúðina á Reyðarfirði afhenta í gær, það er spurning hvenær við höfum tíma til að flytja inn. Ætli við hrúgum ekki bara draslinu inn og verðum svo næsta árið að ganga frá... Þetta hlýtur að hafast á endanum! Bið að heilsa, Tinna.

Það er talsvert langur tími liðinn frá síðasta bloggi hjá mér! Ástæðan fyrir því er sú að ég hef einfaldlega haft svakalega mikið að gera, sem er bara gott mál Nema að þegar það er þannig, þá líður sumarið yfirleitt alltof hratt! Ég er semsagt flutt austur en búslóðin er samt dreifð um austurland í kerru og þremur bílskúrum. Við erum að bíða eftir íbúðinni en vonandi fáum við hana strax eftir næstu helgi svo að mútturnar losni við okkur Það er líka skemmtilegra þegar maður finnur dótið sitt þegar mann vantar það!

Ég er byrjuð á fullu í sumarstarfinu sem er sölustarf hjá Vífilfelli. Þá þeytist ég um allt austurland frá Djúpavogi allt til Borgarfjarðar Eystri og heimsæki sölustaði! Sú sem ég er að fara að leysa af var með mér í síðustu viku og verður með mér út þessa viku og svo tek ég við, þá er eins gott að standa sig svo það verði ekki allir brjálaðir! Síðustu viku var ég að vinna allt uppí 12 tíma á dag en vonandi verður það ekki þannig í allt sumar, en það er þó kostur að ég verð að mestu leyti í fríi um helgar.

Annars er ég bara hress og minni ykkur öll á að fara varlega í umferðinni!

Kveðja, Tinna.

Þetta er síðasta bloggið mitt úr Vestursíðunni góðu. Það er ótrúlega skrýtið að standa hérna með tölvuna í gluggakistunni og það er ekkert hérna inni nema smá dót sem á eftir að henda út í bíl. Fyrsta íbúðin mín orðin tóm, á bara eftir að þrífa hana! Siggi fór áðan af stað austur á tengdójeppa og með stóra yfirbyggða kerru með nánast allri búslóðinni, ótrúlegt hvað hefur komist inn í hana! Ég reikna með því að fara austur á morgun ef ég næ að þrífa allt saman og græja leigusamninginn og gera alla þessa litlu hluti sem taka ótrúlegan tíma...

Ég verð nú bara að viðurkenna að það eru blendnar tilfinningar sem koma fram við þessi tímamót  Pakka öllu saman og flytja austur og nú hef ég lítið sem ekkert að sækja lengur til Akureyrar. Það er sól og blíða úti og ég hugsa eiginlega bara hvað ég sé að pæla að vera að flytja því maður hefur það svo gott hérna! Það væri eiginlega gáfulegra að flytja um miðjan vetur því þá væri ég mjög fegin að losna við fannfergið  En svona er þetta, fólk er alltaf að flytja og breyta til í lífi og starfi og það tekur alltaf eitthvað annað við og spennandi tímar framundan!

Sjáumst, Tinna.

Daman bara formlega komin með B.Sc. í iðjuþjálfunarfræðum!

Næst á dagskrá er bara að sækja um löggildingu og þá verð ég Iðjuþjálfi!

Ótrúlegt að stóri dagurinn sé liðinn, það er eitthvað svo stutt síðan ég byrjaði í H.A.  Naut dagsins með fjölskyldunni þar sem við grilluðum hrefnukjöt, hreindýr og lamb og höfðum það rosalega gott!

Farin að pakka....

Kveðja, Tinns

FUERTEVENTURA -var að gera góða hluti!

Rosalega vel heppnuð ferð í alla staði J Ég slappaði heldur betur af, naut góðra veitinga af ýmsu tagi, fór í vatnsrennibrautagarð, dýragarð, kafbátaferð, verslunarferð, á ströndina, í sólbað, prófaði bogfimi og skotfimi og skemmti mér konunglega J Getur maður beðið um meira?

Allavega, ég er komin heim aftur og nú tekur við að pakka, pakka, pakka, þrífa og flytja! Reyndar ætla ég að útskrifast í millitíðinni, nánar tiltekið á laugardaginn en það er “aukaatriði” –eða þannig Við lentum í fyrrakvöld og við Siggi gistum hjá Aldísi og Jóa –Takk fyrir það J Svo áður en við brunuðum norður í gær þvældumst við aðeins í bænum og kíktum á nýfæddan son Hjördísar og Hermanns –þvílíka dúllukrúttið J Algjör prins! J

Jæja, það er best að hefjast handa svo maður geti flutt fljótlega! Við erum búin að fá leigjanda í íbúðina okkar og ætlum að reyna að afhenda í næstu viku og svo erum við komin með íbúð á Reyðarfirði. Svo bíður eftir mér vinna fyrir austan hjá Vífilfelli sem ég verð í þar til ég byrja í Grunnskólanum á Reyðarfirði!  

Bið að heilsa, Tinna.  

P.S. EF EINHVER FER UM AKUREYRI Á LEIÐ SINNI AUSTUR OG ER MEÐ PLÁSS Í SKOTTINU –ÞÁ MÁ SÁ HINN SAMI HRINGJA Í MIG EF HANN VILL VERA HRIKALEGA GÓÐUR VIÐ MIG OG TAKA KASSA AUSTUR J

Við héldum kynnningu á lokaverkefninu í gær og það gekk rosalega vel hjá öllum hópum og við stóðum okkur vel! Þegar það var búið skelltum við okkur á Bjarg í pottinn með kampavín og jarðarber -gæti ekki verið betra! Svo fórum við heim til mín og fengum grillþjónustu heim frá Litlu kaffistofunni -mæli algjörlega með því!!!

Það kom kona hingað og grillaði fyrir okkur kjúklingabringur og lambakjöt, svo var alls konar meðlæti; grillaðar kartöflur, kartöflusalat, ferskt salat, alls konar sósur, brauð og allar græjur. Hún kom líka með diska og hnífapör. Við borðuðum eins og við gátum og svo tókum við bara saman og konan fór með leirtauið með sér skítugt í fötu! Við þurftum semsagt ekki að pæla í neinu nema glösum og drykkjum, SNILLD!!! Við skemmtum okkur síðan konunglega í partýinu fram á nótt enda allir í stuði eftir að hafa klárað námið með glæsilegum fyrirlestrum í gær!

Það er gaman að vera til á svona dögum